Դեկտեմբերի 28-ին, ժամը 15։00-ին ՀՅԴ Հայաստանի Երիտասարդական Միությունը երթ է իրականացնելու՝ «Իրական մեղավորը» խորագրով։

«Արցախը 2 շաբաթից ավել գտնվում է ամբողջական շրջափակման մեջ:

Արցախի միջանցքի բացման ուղղությամբ քայլեր ձեռնարկելու պահանջով մենք երթ ենք նախաձեռնել դեպի ՀՀ կառավարության շենք:

Չորեքշաբթի օրը` դեկտեմբերի 28-ին, ժամը 15:00-ին Մատենադարանից երթով շարժվում ենք կառավարության շենք` փաստացի իշխանություններից պահանջելու տեր կանգնել Սահմանադրությամբ ամրագրված պարտականություններին:

Միացիր երթին նաև դու´, քո պահանջը ներկայացրու պատասխանատուներին»,-ասված է ՀԵՄ-ի հայտարարությունում։