Աշխարհ

29.01.2023 19:08


Մեր պատասխանը շատ կոշտ կլինի․ Իրանի ԱԳ նախարար

Մեր պատասխանը շատ կոշտ կլինի․ Իրանի ԱԳ նախարար

Եթե Իսլամական Հանրապետության պահապանների դեմ գործողություններ ձեռնարկվեն, որոնք կազդեն Իսլամական Հանրապետության արդյունավետ կառավարման մարմնի և երկրի պաշտոնական ռազմական հատվածի վրա, Իրանի պատասխանը շատ կոշտ կլինի: Այս մասին կիրակի օրը հայտարարել է Իրանի արտգործնախարար Հոսեյն Ամիր Աբդոլլահիանը։

Արտաքին գործերի նախարարը, հանդիպելով Իրանի խորհրդարանի չորս ներկայացուցիչների հետ, որոնց նկատմամբ Եվրոպան պատժամիջոցներ է կիրառել, ասել է.

«Այս քայլը ցույց է տալիս նաև ձեր գործողությունների և հայտարարությունների արդյունավետությունը երկրի ազգային շահերի և անվտանգության պաշտպանության գործում»։

«Մենք երկու ամիս առաջ տեղեկացրել ենք ԵՄ համապատասխան մարմիններին, որ եթե Իսլամական Հանրապետության պահապանների կորպուսի դեմ գործողություններ ձեռնարկվեն, որոնք կազդեն Իսլամական Հանրապետության արդյունավետ կառավարման մարմնի և երկրի պաշտոնական ռազմական հատվածի վրա, Իրանի պատասխանը շատ կոշտ կլինի»,-հավելել է նա։

Նրա խոսքով, ԵՄ երկրները քաջատեղյակ են իրենց իրավիճակին և իրենց խոցելիությանը այս հարցի հետ կապված։ «Եվրախորհրդարանի կողմից այս ոչ պարտադիր որոշման ընդունումից հետո Եվրամիության Նախարարների խորհուրդը բազմաթիվ քննարկումներ ունեցավ և եկան այն եզրակացության, որ կրակի հետ խաղալ չեն կարող, և գնացին երկրորդ սցենարի։ Նրանք պատժամիջոցների ցուցակում ներառել են որոշ անձանց անուններ»,-ասել է նախարարը։

Հունվարի 23-ին ԵՄ-ն պատժամիջոցներ է սահմանել 18 ֆիզիկական և 19 իրավաբանական անձանց նկատմամբ։ Ցուցակում ընդգրկված են կառավարության ներկայացուցիչներ, նահանգների և տեղական իշխանությունների նահանգապետեր, խորհրդարանականներ և անվտանգության աշխատակիցներ։

Աղբյուրը՝ hraparak.am

Այս խորագրի վերջին նյութերը