Ադրբեջանի արտաքին գործերի նախարար Ջեյհուն Բայրամովը և Թուրքիայի արտգործնախարար Մևլյութ Չավուշօղուն ուրբաթ՝ մարտի 17-ին հեռախոսազրույց են ունեցել։ Այս մասին հայտնում են ադրբեջանական լրատվամիջոցները՝ երկրի ԱԳՆ-ին հղումով։

Հաղորդվում է, որ հեռախոսազրույցի ընթացքում նախարարները քննարկել են Ադրբեջանի և Թուրքիայի միջև երկկողմ հարաբերությունների և տարածաշրջանային համագործակցության վերաբերյալ հարցեր, ինչպես նաև միջազգային կազմակերպությունների շրջանակներում արդիական թեմաներ։

Բացի այդ, կողմերը մտքեր են փոխանակել տարածաշրջանում տիրող իրավիճակի և փոխադարձ հետաքրքրություն ներկայացնող այլ հարցերի շուրջ։

Աղբյուրը՝ yerevan.today