Կանադայում պալեոնտոլոգները հայտնաբերել են սառցե դարաշրջանի արկտիկական սկյուռ: Կենդանին մոտ 30 հազար տարեկան է, սակայն պահպանվել է գերազանց վիճակում, հայտնում է Knife-ը։

Սկյուռին առաջինը նկատել է հետախույզը, ով աշխատում էր Կլոնդայքի ոսկու հանքերում։ Հանքափորներն այնտեղ պարբերաբար հայտնաբերել են կենդանիների ոսկորներ և բրածոներ, այդ թվում՝ մումիֆիկացված գայլի և մամոնտի ձագեր:

Գիտնականներն ասում են, որ ցամաքային սկյուռներն ուսումնասիրության համար հատկապես հետաքրքիր տեսակ են, քանի որ, ի տարբերություն մամոնտների, սառցե դարաշրջանից հետո գոյատևել են Յուկոնում:

Հետազոտողները ռենտգենյան ճառագայթների տակ հետազոտել են ցամաքային սկյուռին, թեև վստահ չէին, որ այն ինչ-որ բան ցույց կտա, քանի որ մումիֆիկացված կենդանիների ոսկորները ժամանակի ընթացքում հաճախ կորցնում էին կալցիումը, ինչի հետևանքով նկարներն այդքան էլ պարզ չեն լինում:

Այնուամենայնիվ, ռենտգենյան ճառագայթները հստակ ցույց են տվել շագանակագույն գնդակի ներսում կոշտ ոսկրային կառուցվածք: Այժմ կենդանին կցուցադրվի տեղական թանգարանում՝ տասնամյակներ առաջ հայտնաբերված սև ոտնաթաթերի կողքին:

Աղբյուրը՝ news.am