Կառավարության շենքի դիմաց, որտեղ այսօր՝ ապրիլի 20-ին, բողոքի ակցիա են իրականացնում Ֆիրդուսի թաղամասի բնակիչները, վիճաբանություն տեղի ունեցավ ակցիայի մասնակիցների և ոստիկանների միջև:

«Ես իմ ասելիքն ասացի՝ պահեք հասարակական կարգը, ես խորհուրդ չեմ տալիս, ես որպես ոստիկան զգուշացնում եմ: Ձեզ հետ էլ չեմ ուզում խոսել: Ծառայությունը այստեղ կազմակերպում եմ ես, խնդրում եմ կոռեկտ խոսացեք և չափի մեջ պահեք ձեզ»,-ասաց ոստիկաններից մեկը դիմելով ակցիայի մասնակիցներին:

Ակցիայի մասնակիցներից մեկն էլ արձագանքեց. «Իսկ ինչու եկաք սադրեցիք: Մենք ոչ մի կարգ չենք խախտել, որ բանը հասնի զգուշացնելուն: Զգուշացրու, տեսնենք՝ ոնց ես զգուշացնում: Էսքան ոստիկան կար, ինչո՞ւ եկաք լարվածություն մտցրեցիք: Մենք որևէ խոչընդոտ ստեղծե՞լ ենք»:

Մեկ այլ ոստիկան էլ ասաց. «Բիսետկի բազառ չի, որ ասում եք՝ ինչի ես տենց ասում: Սա մեր պազիցիան է»:

Աղբյուրը՝ news.am