«Բարգավաճ Հայաստան» խմբակցության քարտուղար Արամ Սաֆարյանը «Փաստարկ» ակումբում լրագրողներին ասել է, որ կոալիցիայից ՀՅԴ-ի դուրս գալով՝ այն քանդված չի կարելի համարել։

-Կարծում եմ՝ կոալիցիոն ուժերը համապատասխան հայտարարությամբ հանդես կգան՝ վերահաստատելով իրենց հավատարմությունը 2008թ. մարտի 29-ի կոալիցիոն հուշագրին,- ասել է Ա. Սաֆարյանը։ Նա ասել է նաև, որ կոալիցիան դեռ չի որոշել, թե երբ է քննարկելու ՀՅԴ-ի նախարարական պորտֆելները կոալիցիոն մյուս կուսակցությունների միջև բաժանելու հարցը։