-Բարով եկան,- ԱԺ-ում լրագրողներին ասաց «Ժառանգություն» խմբակցության նախագահ Րաֆֆի Հովհաննիսյանը՝ հնարավոր համարելով ՀՅԴ-ի հետ ընդդիմադիր դաշտում համագործակցությունը, եթե գտնեն համագործակցության ընդհանուր բանաձևեր։

-Յուրաքանչյուր քաղաքական ուժ իրավունք ունի ընտրելու իր սեփական սկզբունքները պաշտպանելու ու վերականգնելու ժամկետը, եղանակը և հաճախականությունը,-հայտարարել է պարոն Հովհաննիսյանը, հավելելով, թե ՀՅԴ-ի արածը մի փոքր ուշացած, բայց դրական և իրենց սկզբունքներին համապատասխանող քայլ է։

Անդրադառնալով երկրում տեղի ունեցող վերջին զաարգացումներին Ր. Հովհաննիսյանն ասել է.

-Անհրաժեշտ է դուրս գալ այս կուսակցականացված վիճակից և հասկանալ, որ այսօր զոհասեղանի՝ համազգային նժարի վրա, դրված է ոչ միայն մեր պատմական արժանապատվությունը, այլև մեր պետական ապագան: Անհրաժեշտ է, որ գործող իշխանությունները գաղտնազերծեն ինչպես Մադրիդյան սկզբունքները, այլնպես էլ «ճանապարհային քարտեզը»՝ Թուրքիայի հետ ընդունած համաձայնեցրած հիմքը։