Փաշինյանի գլխավոր սխալն այն է, որ նա սխալ ճանապարհով գնաց։ Իմաստ չունի բանակցել եվրոպացիների հետ, որոնք ոչինչ չեն երաշխավորում։ Ի՞նչ է, նրանք ՆԱՏՕ-ի զորքե՞ր կուղարկեն Ադրբեջանի և Թուրքիայի դեմ։ Այս մասին Նովոստի Արմենիի - NEWS.am-ին տված հարցազրույցում հայտարարել է ԵԱՏՄ ինստիտուտի տնօրեն Վլադիմիր Լեպեխինը։

Մեխանիզմը մեկն է․ եթե հայկական կողմը պարտվել է պատերազմում, նրա հետ ոչ ոք չի պայմանավորվի։

Ադրբեջանի թիկունքում Թուրքիայի դիրքորոշումն է, իսկ Թուրքիայի թիկունքում ՆԱՏՕ-ինը։ Կձևացնեն, թե պայմանավորվում են, բայց այդ պայմանավորվածությունները, միևնույնն է, կխախտվեն։ Ադրբեջանի թիկունքում Թուրքիայի դիրքորոշումն է, իսկ Թուրքիայի թիկունքում՝ ՆԱՏՕ-ինը։ Իսկ ո՞վ է կանգնած Հայաստանի թիկունքում, Փաշինյանի թիկունքում։ Նույն բրիտանական հետախուզությունը, որն աջակցում է Թուրքիային, ոչ թե Փաշինյանին»,-ընդգծել է քաղաքագետը։

Նա վստահություն է հայտնել, որ պայմանավորվածություններ չեն լինի, էքսպանսիան կշարունակվի, և ոչ ոք չի լսի Փաշինյանին։

«Նա հնարավորություն ուներ Ռուսաստանի հետ ՀԱՊԿ-ի շրջանակներում նոր ռազմական պայմանագիր կնքելու, երբ ռուս խաղաղապահները մտան Լեռնային Ղարաբաղ։ Պետք էր այս ուղղությամբ աշխատել, և այդ ժամանակ ռուս խաղաղապահները ինչ-որ երաշխավոր կլինեին, դրա վրա էլ Փաշինյանը կարող է հենվել։ Սակայն նա ամեն ինչ արեց ՀԱՊԿ-ը վարկաբեկելու համար, Ռուսաստանի հետ լիարժեք չխոսեց, այլ գնաց Բրյուսել ու հույս ուներ, որ այնտեղ ինչ-որ մեկը կերաշխավորի Ալիևի հետ իր պայմանավորվածությունների կատարումը։

Հայտնի է, որ 1994 թվականից ի վեր ոչ մի Բրյուսել Հայաստանին ոչինչ չէր երաշխավորել։ Միայն Հայաստանի ուժն է երաշխավորել սահմանների պահպանումը 1994-ից հետո, իսկ երբ Հայաստանը չկարողացավ դիմակայել Ադրբեջանին ու Թուրքիային, Փաշինյանի հետ ոչ ոք չի խոսի, միայն կձևացնեն։ Փակուղի է առաջացել։

Այժմ ադրբեջանցի լոբբիստները աշխուժորեն աշխատում են Ռուսաստանում, իսկ հայ լոբբիստները չեն աշխատում։ Ուստի, ռուսաստանյան որոշ ղեկավարներ գնալով ավելի են հակվում դեպի Ադրբեջանը»,-ընդգծել է Լեպեխինը։