Գեղարքունիքի մարզի Սոթքի միջդիրքային հատվածում Ադրբեջանը պարբերաբար կիրառում է հրետանային միջոցներ: Այս մասին NEWS.am-ի հետ զրույցում ասաց Վարդենիսի ավագանու անդամ Արաքսյա Հայրապետյանը։

Նա ասաց, որ այժմ գտնվում է գյուղում, և կրակոցների ձայները լսելի են:

Հիշեցնենք, որ Ադրբեջանի ԶՈՒ-ն այսօր՝ ժամը 07:50-ից սկսած, ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ, կիրառել են նաև ականանետ։ Հայկական կողմն ունի 2 զոհ և 1 վիրավոր:

Ժամը 12:50-ի սահմաններում Ադրբեջանի ԶՈՒ ստորաբաժանումները Սոթքի ուղղությամբ կիրառել են ԱԹՍ և ականանետ: Ադրբեջանական կողմը կրակ է բացել նաև Նորաբակի հատվածում տեղակայված հայկական դիրքերի ուղղությամբ: Ժամը 15:15-ի դրությամբ կրակի ինտենսիվության նվազումը պահպանվում է: