Թուրքիայի վարչապետ Ռեջեփ Թայիփ Էրդողանը Ադրբեջանի որոշ պատգամավորների բանսարկու է անվանել։ Bakililar.az-ի հաղորդմամբ՝  նա զայրույթով հայտարարել է, որ այդ մարդիկ մեկնում են Թուրքիա, այնուհետև վերադառնում Ադրբեջան և կեղծ տեղեկություններ են տարածում։ Էրդողանը ցավով նշել է, որ Ադրբեջանի հասարակությունը հավատում է նման մարդկանց։  Թուրքիայի վարչապետը կարծիք է հայտնել, որ երկու եղբայրական պետություններում կան որոշակի շրջանակներ, որոնք նպատակաուղղված փորձում են փչացնել Ադրբեջանի և Թուրքիայի հարաբերությունները։