Լեգենդար կանադացի երգչուհի Սելին Դիոնը, որը լուրջ հիվանդ է, այլևս չի կառավարում իր մկանները, հայտնել է աստղի ավագ քույրը՝ Կլոդետ Դիոնը, որը նրան խնամում է, գրում է Daily Mail-ը:

Կլոդետ Դիոնն ավելի վաղ ասել էր, որ երգչուհու հազվադեպ հանդիպող հիվանդությունը բուժող դեղամիջոցներ չկան: 55-ամյա Դիոնն անցած տարվա դեկտեմբերից դադար է վերցրել կարիերայում և զբաղվում է բուժմամբ:

Դիոնի մոտ ախտորոշված հիվանդությունը ստիպում է օրգանիզմին հարձակվել սեփական նյարդային բջիջների վրա և լուրջ ազդում շարժունակության վրա:

«Նա պայքարում է, բայց չի կառավարում իր մկանները... Մեր նպատակն ու երազանքն է, որ Սելինը բեմ վերադառնա: Ի՞նչ կարգավիճակով՝ չգիտեմ... Քանի որ այս հիվանդությունը հանդիպում է միլիոնից մեկի մոտ, գիտնականները դրա վերաբերյալ շատ հետազոտություններ չեն արել»,-պատմել է աստղի քույրը:

Աղբյուրը՝ tert.am