Ապրիլի 30-ին, ժամը 02.36-ին «1-03» ծառայությունից ահազանգ է ստացվել, որ Երևանի Շիրակի փողոցի թիվ 45 շենքի մոտ տեղի է ունեցել ավտովթար և վարորդին ավտոմեքենայից դուրս բերելու համար անհրաժեշտ է փրկարարների օգնությունը:

Դեռևս չպարզված հանգամանքներում Ռուսաստանի Դաշնության քաղաքացի Արմեն Ժոռբեսովիչին պատկանող «Ակոռա» մակնիշի 70ՕԼ797 պ/հ ավտոմեքենան բախվել է ծառին:

Պատահարի հետևանքով 1976 թ. ծնված Ա. Ժոռբեսովիչը ստացել է տարբեր աստիճանների մարմնական վնասվածքներ: Փրկարարների ուժերով վերջինս դուրս է բերվել ավտոմեքենայից և շտապօգնության ավտոմեքենայով տեղափոխվել «Էրեբունի» բժշկական կենտրոն:

Ըստ բժիշկների՝ տուժածի առողջական վիճակը գնահատվում է կայուն ծանր: