Դաշնակցությունը որոշում է կայացրել ընդունել Հովիկ Աբրահամյանի առաջարկը՝ ետ վերցնել ԱԺ մշտական հանձնաժողովի դաշնակցական նախագահների հրաժարականների դիմումները։ Դաշնակցության այդ որոշումը, որպես քաղաքական դաշտի առողջացմանը միտված քայլ որակելով, Ազգային Ժողովում հայտարարել է ԱԺ ՀՅԴ խմբակցության ղեկավար, ՀՅԴ Բյուրոյի անդամ Վահան Հովհաննիսյանը։

-Մենք մեր կողմից պատրաստակամ ենք նոր մշակույթ ներդնել  Հայաստանի քաղաքական ասպարեզում և  քաղաքական հարաբերությունների մեջ: Լինելով ընդդիմություն՝ կողմ ենք ու պայքարելու ենք, որ ընդդիմությունն ավելի ու ավելի հակակշռելու և զսպելու մեխանիզմներ ունենա՝ աշխատելով իշխանության հետ,- ասել է Վահան Հովհաննիսյանը։