Կադրերում Իրանի IRIB պետական ​​հեռուստատեսության շենքն է, որը երեկ հրթիռային հարվածի տակ է հայտնվել ուղիղ եթերում։

Շենքերից մեկի ներսում գրեթե ոչինչ չի մնացել, բոլոր սարքավորումներն ու կահույքը վերածվել են մոխրի, իսկ պայթյունից պատուհանները փշրվել են։

Fars-ի փոխանցմամբ՝ հարձակման հետևանքով զոհվել են հեռուստառադիոընկերության երեք աշխատակիցներ։

Հիշեցնենք` հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալիության կետին: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:

Իրանը, որը հերքում է իր միջուկային ծրագրի ռազմական բաղադրիչը, պատասխանում է հրթիռային համազարկերով և հարվածային անօդաչու թռչող սարքերի արձակմամբ: Թեհրանում հարվածների թիրախ են նշում Իսրայելի ռազմական և ռազմարդյունաբերական օբյեկտները։ Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։

Աղբյուրը՝ arm.sputniknews.ru