Դրեյքը կրկին դարձել է մեմերի հերոս՝ այս անգամ իր «չափազանց քանդակված» որովայնի մկանների պատճառով։ 38-ամյա կանադացի ռեփերը սոցիալական ցանցերում տարածել է առանց վերնաշապիկի հայելու առջև արված սելֆին, որտեղ ցուցադրում է իր մարզված որովայնի մկանները և դաջվածքները բարի սեղանի ֆոնին։ Գրառման մեջ նա նաև տեղադրել է կարճ տեսանյութ, որտեղ առանց վերնաշապիկի վազում է այգու արահետով։

«Ես արթուն եմ մնում այն գիշերների համար, որոնք բաժանում են նրանց, ովքեր աշխատում են մինչև հաջողության հասնելը, և նրանց, ովքեր պարզապես… գրում են»,-լուսանկարը մակագրել է Գրեմմիի մրցանակակիրը։

Սակայն գովասանքի փոխարեն Դրեյքը ստացել է հումորային մեկնաբանությունների մի ամբողջ շարք. բաժանորդները անմիջապես կասկածել են նրա որովայնի «բնականությանը»։

«Ես պատվիրել եմ որովայնի մկաններ Temu-ում և մոռացել եմ ավելացնել ուսեր և տրիցեպսներ», - ծաղրել է օգտատերերից մեկը։ «Ընկեր, վե՛րջ տուր։ Միակ տեղը, որտեղ դու երբևէ գնացել ես, վիրաբույժի մոտ է»,-կատակել է մեկ ուրիշը։

«Ձեռքերն ու կուրծքը առանձին վաճառվում են»,-ավելացրել է երրորդը։

«Այս որովայնի մկանները չեն համապատասխանում մարմնին»,-ասել է մեկ ուրիշը։

«Ձեռքերի մեծացման վիրահատությունը հաջորդ ամի՞ս»,-շարունակել են ծաղրեն օգտատերերը։

Պլաստիկ վիրաբուժության Instagram-յան @surgeonmade_curves էջը յուղ է լցրել կրակի վրա՝ տեղադրելով Դրեյքի լուսանկարը՝ «Կրկին արեցի»։ Գրառման մեջ նշվում էր, որ ռեփերի համար, որը պարբերաբար հրապարակում է իր մարզումները, «խորթ չէ վիրահատական սեղանը»։

Ռիք Ռոսը նախկինում Դրեյքին անվանել էր «BBL Drizzy»՝ բրազիլական հետույքի վերելքի և այլ կոսմետիկ միջամտությունների մասին լուրերից հետո։

Թվում է, թե ինտերնետային տրոլները լավ օր են անցկացնում, շատերը խոստովանում են, որ այժմ Դրեյքի գրառումները այցելում են միայն մեկնաբանությունների համար։

Աղբյուրը՝ style.news.am