Եկեղեցու դեմ Փաշինյանը հարձակվել է Փաշազադեի հրահանգով։ Դա հակապետական է, հակասահմանադրական, հակաքրիստոնեական և հակամարդկային։ Այս մասին հայտնել է «Մայր Հայաստան» կուսակցության վարչության անդամ Արեգնազ Մանուկյանը։

«Մեր բոլորիս պարտքն է պաշտպանել Հայ Առաքելական Սուրբ Եկեղեցին ադրբեջանաթուրքական պահանջով իրականացվող հարձակումից կամ որ նույնն է՝ պաշտպանել Հայաստանի Հանրապետությունը։ Իսկ Նիկոլ Փաշինյանի հետ հանդիպած Հուդաներին պետք է դասել Արցախը և Հայաստանի տարածքները հանձնածների շարքին:

Ի դեպ, Փաշինյանը կրկնում է Սահակաշվիլու ճանապարհը։ Նա նույնպես ապօրինի հրահանգներով կալանավորում էր իր ընդդիմախոսներին։ Եվ հետաքրքիր զուգադիպությամբ՝ Եվրամիության չինովնիկները աչք էին փակում այդ ապօրինությունների վրա։ Թե ինչպես ավարտեց Սահակաշվիլին, բոլորս գիտենք, և հենց այդ ճակատագրից էլ վախենում է Նիկոլը»։