Խնդիրը շատ պարզ է․ այս օրենքը հարվածում է ոչ թե դաժան մարդկանց, այլ նրանց, ովքեր փրկում են կենդանիներին։ Այն հարվածում է կամավորներին, ովքեր փողոցներից հավաքում են շներին ու կատուներին, խնամակալներին, ովքեր կենդանիներին տանում են անասնաբույժի, բուժում են տանը, խնամում վիրահատություններից հետո, և սովորական մարդկանց, ովքեր պարզապես չեն կարող անտարբեր անցնել ցավի ու սովի կողքով։

Ստերջացման և մարդասիրական ծրագրերին աջակցելու փոխարեն այս նախագիծը բացում է ճանապարհ ճնշումների համար և հիմք է ստեղծում կենդանիների զանգվածային ոչնչացման։ Եթե այն ընդունվի ներկայիս տեսքով, կզգան հարվածը և՛ կենդանիները, և՛ նրանք, ովքեր պաշտպանում են կենդանիներին:

Մենք պահանջում ենք դադարեցնել օրենքի այս տարբերակի առաջխաղացումը և սկսել բաց հասարակական քննարկում՝ անասնաբույժների, կենդանապաշտպանների և ոլորտի մասնագետների մասնակցությամբ։

Եթե ձեզ համար կարևոր է, թե ինչ է տեղի ունենում կենդանիների հետ Հայաստանում, խնդրում ենք ստորագրել հանրագիրը և ուղարկել հղումը ձեր ընկերներին։ Յուրաքանչյուր ստորագրություն վահան է,որը պաշտպանում է թե՜ կենդանիներին, թե՜ ձեզ: