20.12.2025 ● 16:07
20.12.2025 ● 14:11
20.12.2025 ● 10:28
19.12.2025 ● 18:09
19.12.2025 ● 16:46
19.12.2025 ● 15:15
18.12.2025 ● 20:55
18.12.2025 ● 16:44
Ամանորին ընդառաջ՝ Էկոպարեկները թավա ու եռաշերտ զուգարանի թուղթ են ձեռք բերել. «Փաստինֆո»
Ամանորին ընդառաջ Էկոպարեկային ծառայությունը գնումներ է կատարել ՀՀ պետական բյուջեի հաշվին։ Այս մասին «Փաստինֆո»-ն տեղեկանում է պաշտոնական բաց աղբյուրներում հրապարակված փաստաթղթերից։
Այսպես, Էկոպարեկային ծառայությունը, որը մշտապես աչքի է ընկնում իր գնումներով, այս անգամ գնել է 2 թավա, եռաշերտ զուգարանի թուղթ և խոհանոցային թղթե սրբիչներ։ Այս գնումների ընդհանուր արժեքը կազմել է 25.580 դրամ, և դրանք ձեռք են բերվել «Ագաթ Գրուպ» ՍՊԸ-ից։
Էկոպարեկային ծառայությունը նաև ամանորյա զարդարանքներ է ձեռք բերել։ «Դուց» ՍՊԸ-ին վճարվել է 198.000 դրամ՝ ամանորյա զանազան զարդարանքների համար։
Հաջորդաբար ձեռք են բերվել թղթե բաժակներ և թղթե գրիչներ։ Այս ամենը էկոպարեկային ծառայությունը ձեռք է բերել «Իրինա Ոսկանյան» ԱՁ-ից 190.000 դրամով։
Ինչ վերաբերում է ընթացիկ նորոգումներին, ապա 1.554.000 դրամ տրամադրվել է ՀՀ Կոտայքի և Գեղարքունիքի մարզային վարչության, Սևան քաղաքի Նաիրյան փողոցի 178 բակային տարածքի ընթացիկ նորոգման աշխատանքների համար։
Ընդհանուր առմամբ, Էկոպարեկային ծառայությունը ծախսել է 1.967.580 դրամ պետական բյուջեից։