Ինչպես տեղեկացնում է «ՌԻԱ Նովոստի» գործակալությունը, Հունաստանի վարչապետ Լուկաս Պապադիմոսը CNBC հեռուստատեսության եթերում հայտարարել է, թե Հունաստանը չի պատրաստվում դուրս գալ եվրոպական արժութային միությունից:

–Հաճախ են խոսում, որ եվրոն լքելը լուծում է Հունաստանի համար: Ես կարծում եմ, որ դա բոլորովին էլ լուծում չէ: Սա կառավարության և նրան աջակցող բոլոր կուսակցությունների, ինչպես նաև, ինչն ավելի կարևոր է, հույների ճնշող մեծամասնության որոշումն է, որոնք հանդես են գալիս եվրոգոտու անդամակցության օգտին,–ասել է Պապադիմոսը։