Ցեղասպանությունների ժխտումը քրեականացնելու մասին օրինագծի համարձակ  ընդունումը  Ֆրանսիայի Սենատի  կողմից, բացի իր բուն  նպատակներից,  անկասկած, բացառիկ  նշանակություն  ունի  Հայոց ցեղասպանության միջազգային ճանաչման գործում:

Եվ սա  հայերիս  հաջողությունն  է  ու  հաղթանակը:

Այդ  իմաստով, եթե  հասկանալի  է  էմոցիոնալ  «մերսիների»  անհամբեր  շարքը, ապա  ծաղրի  է  արժանի  ՀՀԿ-ական  քաջնազարությունն այն  մասին, իբր,   Ֆրանսիայի Սենատն  այդ  օրինագիծն  ընդունել  է   սերժսարգսյանական  թիմի  ճիշտ  և  ճկուն  քաղաքականության  արդյունքում /Հ.Գ./:

Այսինքն,   դեռ  Սարկոզին  պետք  է  շնորհակալություն  հայտնի  Սարգսյանին:

Ինչ  խոսք, հավանաբար, նկատի  ունեն  հանրահայտ Արձանագրությունների պատմա-գիտական հանձնաժողովը, որի  համար  այսուհետ  Ֆրանսիայում  կարող  են քրեական պատասխանատվության ենթարկվել  կամ  ՀՀԿական  նմանօրինակ  այլ  դրսևորում...

Մենք  դատապարտում  ենք  նման  և  բացարձակ  անհիմն  ինքնագովերգումն, այն  էլ  պաշտոնեական  դիրքերից:

«Մարդու  իրավունքներ –  96»                                                                                                                                         կուսակցություն

Հ.Գ. - http://armradio.am/arm/news/?part=pol&id=46362

ԱԺ փոխնախագահ, Հանրապետական կուսակցության խոսնակի գնահատմամբ` Ֆրանսիայի սենատում Ցեղասպանության ժխտումը քրեականացնող օրինագծի ընդունումը պատահական չէ: Այն փաստում է, որ արտաքին քաղաքականության ոլորտում Հայաստանի իշխանությունները, նախագահ Սերժ Սարգսյանի գլխավորությամբ, անցած տարիների ընթացքում ճկուն, ճիշտ ու ամենագլխավորը` հայամետ քաղաքականություն է իրականացրել: