«Ժողովրդավարական հայրենիք» կուսակցության նախագահ, ՀԱԿ ներկայացուցիչ Պետրոս Մակեյանն այսօր լրագրողների հետ հանդիպման ժամանակ նշել է, որ երկրում ստեղծված ծանր վիճակը չի կարող այսպես երկար շարունակվել.

–ՀԱԿ–ում և մյուս մտահոգ քաղաքական ուժերում (ես չեմ ասում՝ ընդդիմություն, որովհետև հնարավոր է, որ իշխանության մեջ էլ կան նման մարդիկ) հասկանում են, որ երկրի վիճակը այսպես չի կարող երկար շարունակվել։ Առավելևս, որ մենք այսօր պոտենցիալ պատերազմի մեջ գտնվող երկիր ենք։ Այս պարագայում պետք է գտնվի երկխոսության եզր։ Իհարկե, մենք փորձեցինք երկխոսության գնալ, բայց իշխանությունը ժամանակ շահեց ու քցեց։ Եթե ընտրությունները կեղծվեն, ժողովուրդը դուրս է գալիս փողոց, և մինչև խնդիրը վերջնականապես չլուծվի, փողոցից տուն չի գնալու։

7or.am