-         Հաշվի առնելով, որ այսօր լրանում է «Հայկական ժամանակ» օրաթերթի լրագրող Հայկ Գևորգյանի` անազատության մեջ մնալու 72 ժամը, և դատարանը պետք է  վերահաստատի  կալանքը որպես խափանման միջոց կամ ազատ արձակի նրան,

-         արձանագրելով, որ Հայկ Գևորգյանի նկատմամբ կալանքի` որպես խափանման միջոցի, ընտրությունը համարժեք չէ նրան մեղսագրվող արարքին, ինչը լուրջ կասկածներ է հարուցում, որ խափանման միջոցն ընտրելիս նկատի են առել նրա լրագրողական գործունեությունը,

-         համադրելով «Հայկական ժամանակ» թերթի խմբագրի և ոստիկանության պարզաբանումներն ու մեկնաբանությունները, որոնք որոշակի կասկածներ են հարուցում դեպքերի արհեստական հաջորդականության ու ոստիկանության գործողությունների նկատմամբ,

     Մամուլի ազգային ակումբը կոչ է անում իրավապահպան և արդարադատությունն իրականացնող մարմիններին փոխել Հայկ Գևորգյանի նկատմամբ խափանման միջոցը և իրականացնել գործի համակողմանի ու անաչառ քննություն, ներառյալ` ոստիկանության կողմից Հայկ Գևորգյանի նկատմամբ հետախուզում հայտարարելու շարժառիթները։ 

Մամուլի ազգային ակումբ