Այսօրվա ասուլիսին «Հայկական ժամանակ» օրաթերթի թողարկման պատասխանատու, լրագրող Հայկ Գևորգյանը, խոսելով իր կալանավորման փաստի մասին, նշել է, որ հունվարի 20-ին հարուցվել է քրեական գործ, բայց իրեն չճշտված կարգավիճակով հրավիրել են հարցաքննության հունվարի 17-ին: 

«Քրեական գործի հարուցումից հետո ոչ մի ծանուցագիր չի եկել մեր տուն, ավելին՝ ինձ կալանավորելուց մեկ օր հետո է ոստիկանությունից ծանուցագիր եկել մեր տուն, թե ես կալանավորված եմ։  Նույնիսկ տան անդամներին պատշաճ ժամանակին չեն ծանուցել իմ կալանավորելու մասին»,-ասել է բանախոսը՝ հավելոլով, որ իրեն հարցաքննության հրավիրելու դեպքում, ինքը կներկայանա այն պարագայում, երբ իր կարգավիճակը պարզվի և ծանուցագրում որևէ սխալ չի լինի: