«Վարչապետն ասում է, որ ցուցակում գործարարներ չեն լինի՝ միաժամանակ նշում, թե գործարարաներին մեծամանասնականով չեն կարող արգելել առաջադրվել: Եթե իրականում կա ցանկություն որպեսզի նրանք չհայտնվեն, ապա լավ կլիներ համամասնականը ընդունվեր և իրենց խոսքն ու գործը իրար համընկնեին»,- այսօրվա ասուլիսին ասել է ԱԺ «Ժառանգություն» խմբակցության պատգամավոր Արմեն Մարտիրոսյանը: 

Բանախոսը հերթական անգամ ընդգծել է, որ 100 տոկոսանոց համամասնական ընտրակարգին անցնելու հարցում ժամանակի խնդիր չի կարող լինել:

«Այս հարցը իր հետևից չի բերում նոր ընթացակարգեր։ Ընդամենը երկու րոպեում քվեարկությունը կատարվում է և օրենքից հանվում է մեծամասնականին վերաբերող մասը»,-ասել է նա։

7or.am