ՀՀ վարչապետ Տիգրան Սարգսյանը մեր երկրում դիվանագիտական առաքելությունն ավարտելու կապակցությամբ ընդունել է ՀՀ-ում Բրազիլիայի արտակարգ և լիազոր դեսպան Ռենատե Ստիլլեին։ Վարչապետը տիկին դեսպանին շնորհակալություն է հայտնել իր դիվանագիտական առաքելության ամբողջ ընթացքում հայ-բրազիլական կապերի ամրապնդմանն ուղղված ջանքերի համար՝ հույս հայտնելով, որ այսուհետ ևս տիկին Ռենատե Ստիլլեն կշարունակի երկու երկրների հարաբերությունների զարգացմանը միտված առաքելությունը։