Այսօր Հանրային խորհրդում տեղի ունեցած քննարկման ժամանակ Երևանի գլխավոր ճարտարապետ Նարեկ Սարգսյանն ասել է, որ Մաշտոցի այգում տեղադրվող կրպակները ժամանակավոր են, և «Հին Երևան» նախագծի կյանքի կոչվելուց հետո դրանք կհանվեն:

–Քաղաքապետարանն ընտրել է այդ տարածքը, քանի որ այգին բարեկարգման կարիք ուներ: Այդ տարածքում նոր ճանապարահներ են բացվել: Տաղավարները դեռ ոչ մեկին տրված չեն վարձակալության: Դրանց կառուցումը քաղաքապետարանը հանձնարարել է իր ընկերությանը: Հնարավոր է՝ լինեն գրքի վաճառքի տաղավարներ,–ասել է Ն. Սարգսյանը՝ ավելացնելով, որ Աբովյան փողոցից ապամոնտաժված բոլոր տաղավարները չէ, որ կտեղավորվեն Մաշտոցի այգում: 

7or.am