«7օր»–ի խմբագրությունն ահազանգ է ստացել, որ բուսաբանական այգում առողջ բարդիներ են տապալվում գետնին:
««Դրախտ» ռեստորանի կողմից երբեմնի զավթած հողատարածքում բարդիները մեկ առ մեկ հավասարվում են գետնին:
Բուսաբանական այգու տնօրինությունը, հետաքրքիր է, գիտի՞ այդ մասին։ Ո՛չ տնօրինությունից մարդ կար այգում, ո՛չ էլ պահակներն էին տեղում` դուռը կողպած, տարածքը լքված: Բուսաբանական այգու շքամուտքին կից ռեստորանի աշխատակիցները բռնվել են բուռն գործողության` բերելով իրենց ծանր տեխնիկան և «դրուժբա» սղոցով երբեմնի կանաչ, թռչունների բներով հարուստ բարդիները հատում, տապալում, հավասարացնում են գետնին։ Ի գիտություն` երեկ անհայտ անձանց կողմից հրդեհ էր բռնկվել այգում, որը կարողացանք սեփական ուժերով մարել: Անմխիթար ու լքված վիճակում է գտնվում մեր բուսաբանական այգին»,–ասված է քաղաքացուց ստացված ահազանգում:

7or.am