Զինված գրոհայինները, որոնք մասնակցել են Լիբիայի առաջնորդ Մուամար Քադաֆիի վարչակարգի տապալմանը, երեկ հարձակում են գործել Լիբիայի ժամանակավոր կառավարության շենքի վրա և սպանել պահակներին` 2-4 մարդու:

Agence France-Presse գործակալության տվյալներով` մի քանի տասնյակ զինված մարդիկ պաշարել են կառավարության շենքը և պահանջում են վճարել վարչակարգի տապալման մասնակիցների համար սահմանված վճարները, որոնք հաստատել էր Լիբիայի Անցումային ազգային խորհուրդը: Ապրիլի սկզբին վճարները դադարեցվել էին, երբ բացահայտվել էին բազմամիլիոնանոց խարդախություններ: