«Ասոշիեյթեդ փրես»-ի փոխանցմամբ՝ Լիբիայի արևմուտքում անհայտ գրոհայինները հարձակվել են Հադամիս քաղաքի օդանավակայանի և հիվանդանացի վրա, ինչի հետևանքով առնվազն 6 մարդ զոհվել է, շուրջ 20-ը՝ վիրավորվել։ Գրոհայիններին կարողացել են կանգնեցնել միայն քաղաք մտցված կառավարական զորքերը։ Առայժմ հայտնի չէ, թե որն է հարձակման պատճառը։ Ըստ գործակալության՝ Լիբիայի արևմուտքում հիմնականում բնակվում են բերբերները, ովքեր ճնշումների էին ենթարկվում Մուամար Քադաֆիի վարչակարգի օրոք։