Հունաստանի նախագահ Կառոլոս Պապուլիասը, ինչպես և սպասվում էր, ցրել է խորհրդարանը և նոր խորհրդարանական ընտրություններ հայտարարել հունիսի 17–ին։

Հունաստանի խորհրդարանն ընտրվել է մայիսի 6–ին։ Սակայն ոչ մի կուսակցություն չկարողացավ ձայների մեծամասնություն ստանալ, տապալվեցին նաև կոալիցիոն կառավարություն ստեղծելու փորձերը։ Մինչև նոր ընտրությունները և կառավարության ձևավորումը Հունաստանը կղեկավարի ժամանակավոր կառավարությունը Գերագույն վարչական դատարանի նախագահ Պանայոտիս Պիկրամենոսի գլխավորությամբ։