Այսօրվա ասուլիսին ՀՀ ճանապարհային ոստիկանության Ճանապարհապարեկային ծառայության պետ, ոստիկանության գնդապետ Նորիկ Սարգսյանը մայիսի 25-ին հանրապետությունում կայանալիք Վերջին զանգի միջոցառումների հետ կապված ծնողներին կոչ է արել ղեկը չհանձնել երեխաներին, իսկ երեխաներին էլ՝ պահպանել երթևեկության կանոնները: Վարորդներին էլ գնդապետը հորդորել է հատկապես դպրոցների մոտ լինել ուշադիր։
«Վերջին զանգի օրը չեն լինելու ո՛չ արտոնյալ ծնողներ, ո՛չ էլ արտոնյալ երեխաներ։ Թող նեղանան մեզանից մեր բարեկամները, ղեկավարները, քան այդ օրը իրենց ուրախությունը տխրության փոխվի: Որևէ մեկը ապահովագրված չէ ճանապարհատրանսպորտային պատահարից»,-ասել է Նորիկ Սարգսյանը։

7or.am