Եգիպտոսի նախկին վարչապետ Ահմեդ Շաֆիկի նախագահական ընտրությունների երկրորդ փուլ անցնելու դեմ բողոքող անհայտ անձինք այրել են Կահիրեի նրա նախընտրական շտաբը։ Այրվել են քարոզչական նյութերի պահեստը և գրասենյակային տարածքի մի մասը. հրդեհի պատճառած ընդհանուր վնասը գնահատվել է 130 հազ. դոլար։

Ահմեդ Շաֆիկի երկրորդ փուլ անցնելն առաջացրել է երիտասարդ եգիպտացիների զայրույթը, որոնք կարծում են, թե Շաֆիկը, հաղթելով ընտրություններում, կվերականգնի նախորդ վարչակարգը։ Ահմեդ Շաֆիկն առաջին փուլի տվյալներով զիջում է իր մրցակից իսլամիստ Մուհամմեդ Մուրսիին. Շաֆիկը ստացել է 5 մլն 505 հազ. ձայն, Մուրսին՝ 5 մլն 764 հազ.։