Դիտորդի իրավունքներն ու պարտականությունները

• Քննական ողջ գործընթացի հետ կապված հարցերը համակարգել ԳԹԿ համապատասխան ստորաբաժնման հետ:
• Քննական կենտրոնում դիտորդական  գործունեության  միաժամանակյա իրականացումը կարգավորում է քննական կենտրոնի ղեկավարը

• Դիտորդն իրավունք ունի

ա) ծանոթանալ քննության անցկացման կանոնակարգերին, ընթացակարգերին, կազմակերպիչների  աշխատակարգերին  և  իրավական այլ  փաստաթղթերին,

բ) քննության օրը ներկա գտնվել

1. քննություն հանձնող շրջանավարտների քննասենյակներում տեղաբաշխմանը, ծրարների բացմանը,
2. քննություն հանձնողներին ցուցումներ տալուն,
3. քննական նյութերի քննական կենտրոն հանձնմանը,
4. քննության ավարտից հետո քննական նյութերի ծրարմանը,
5. քննական նյութերի ԳԹԿ հանձնմանը,

• Դիտորդը պարտավոր է

ա) քննական կենտրոն ներկայանալիս ունենալ անձը հաստատող փաստաթուղթ

բ) պահպանել քննության տեղեկատվական գաղտնիությունը:

գ) Քննական թեստերը բացվելուց անմիջապես հետո դուրս գալ քննասենյակից:

• Դիտորդը իրավունք չունի

ա) քննության ընթացքում մտնել քննասենյակ,

բ) միջամտել քննության նախապատրաստման և անցկացման գործընթացին,

գ) քննասենյակում օգտվել բջջային հեռախոսից և կապի այլ միջոցներից,

դ) աջակցել շրջանավարտներին կամ շեղել նրանց ուշադրությունը, հարցեր տալ,        դիտողություններ անել,

ե) նկարել կամ նկարահանել քննական թեստերը,

զ) օգտագործել իր կարգավիճակը քննության ընթացքին հետևելու հետ չառնչվող գործողությունների համար:

Նշված պահանջները  չկատարելու դեպքում դիտորդը հեռացվում է քննական կենտրոնից: