Աֆղանստանի մայրաքաղաք Քաբուլի հյուրանոցներից մեկում պատանդների ազատ արձակման, ինչպես նաև գրոհայինների ոչնչացման գործողությունն ավարտվել է: Աֆղանստանի ՆԳՆ պաշտոնական ներկայացուցչի տվյալներով՝ աֆղանցի ուժայիններին հաջողվել է ոչնչացնել շենքը գրաված բոլոր ծայրահեղականներին:

Ինչպես հաղորդում է «Լայֆ նյուս»-ը` վկայակոչելով աֆղանական ոստիկանությանը, գործողության ժամանակ մահացել է 13 մարդ` 5 գրոհային, 3 անվտանգության աշխատակից, 4 քաղաքացիական անձ և 1 ոստիկան: Հյուրանոցի մի քանի բնակիչներ կարողացել են դուրս նետվել հյուրանոցից` նախքան կհայտնվեին պատանդի կարգավիճակում: Պատանդների ազատ արձակման գործողությունը տևել է 12 ժամ:

Ինչպես ավելի վաղ հաղորդել էինք՝ գործողության ընթացքում ազատ է արձակվել 40 պատանդ: