Ղարաբաղյան հակամարտությունը չի կարող կարգավորվել ուժային եղանակով: Այս մասին այսօր` հունիսի 26-ին,  հայտարարել է  Ավստրիայի նախագահ Հայնց Ֆիշերը Հայաստանի նախագահ Սերժ Սարգսյանի հետ երևանյան համատեղ ասուլիսում:

Ընդգծելով, որ դա շատ բարդ խնդիր է, Ֆիշերը նկատել է, թե ծանոթ է տարբեր կողմերի դիրքորոշումներին: Նա նշել է, որ Ադրբեջանի դիրքորոշման հետ ծանոթացել է կես տարի առաջ, իսկ այժմ ծանոթացավ նաև  այս հարցի վերաբերյալ Հայաստանի տեսակետին:

–Ես հարյուր տոկոսով պաշտպանում եմ սկզբունքը, ըստ որի՝ նման խնդիրը, երբ խոսքը   հազարավոր մարդկանց ճակատագրերի մասին է, չի կարող լուծվել ուժի դիրքերից,–ասել է Ավստրիայի նախագահը` ընդգծելով շփման գծից դիպուկահարներին հետ քաշելու անհրաժեշտությունը: