Այս հինգշաբթի ևս Կառավարության շենքի դիմաց հավավքել են խաղաղ պայմաններում բանակում իրենց որդիներին կորցրած մայրերը։ Քիչ առաջ  շենքի մոտ է եկել արդարադատության նախարար Հրայր Թովմասյանը։ Մահացած զինվորների ծնողները նրան են դիմել իրենց բողոքներով, իսկ Թովմասյանը ակցիայի մասնակիցներից տվյալներ է վերցրել ու խոստացել զբաղվել նրանց խնդիրների լուծմամբ:

Այս ընթացքում սպանված զինվորներից մեկի մայրն ուշագնաց է եղել: Ոստիկանները ջուր են բերել ու փորձել են օգնել նրան։ Շտապօգնություն է կանչվել:

Նշենք, որ ակցիայի մասնակիցները պահանջում են խաղաղ պայմաններում զոհված իրենց որդիների գործերի արդար քննություն ու բացահայտում։

7or.am