Ադրբեջանի արտգործնախարար Էլմար Մամեդյարովը Բաքվում իր պորտուգալացի գործընկեր Պաուլու Պորտաշի հետ հանդիպումից հետո հրավիրված ասուլիսի ժամանակ մեկնաբանել է հունիսի 18-ին Հայաստանի ու Ադրբեջանի արտգործնախարարների՝ Փարիզում կայացած  հանդիպումը, որին մասնակցել են նաև ԵԱՀԿ Մինսկի խմբի համանախագահները։ Այս մասին հաղորդում է «Թրենդ» գործակալությունը։

–Փարիզյան հանդիպման ժամանակ նոր առաջարկներ չեն ներկայացվել մեզ: Մենք շարունակում ենք բանակցային գործընթացը, սակայն կցանկանայինք աշխատել խաղաղության մեծ համաձայնագրի վերջնական տարբերակի վրա: Համանախագահները տարածաշրջան կժամանեն հուլիսի կեսերին՝ հակամարտող կողմերի հետ բանակցությունները շարունակելու համար,–նշել է Մամեդյարովը: