Հունաստանի նախագահ Կարոլոս Պապուլիասը Բրյուսելի համաեվրոպական գագաթնաժողովին է մեկնում էկոնոմ կարգով: Հունաստանի նախագահի մամուլի ծառայության հաղորդագրության համաձայն՝ երկրի նախագահը հունական պատվիրակության մյուս անդամների հետ Բրյուսել է մեկնում «Aegean Airlines» ընկերության ինքնաթիռով: 

«Նախագահը կօգտվի էկոնոմ կարգից, ինչը պետք է օրինակ ծառայի կառավարության մյուս անդամների համար»,–ասվում է նախագահի աշխատակազմի հայտարարության մեջ: 

Գագաթնաժողովում նա կփոխարինի երկրի վարչապետ Անտոնիս Սամարասին, ով վերջերս աչքի վիրահատության է ենթարկվել: 

Նշենք, որ ԵՄ գագաթնաժողովը կշարունակվի երկու օր և կավարտվի հունիսի 29-ին: