Պորտուգալիայի հավաքականի հարձակվող, հանրահայտ Քրիշտիանու Ռոնալդուն 20 ոչ դիպուկ հարված է կատարել «Եվրո-2012»-ի շրջանակներում` «առաջ» անցնելով Մարիո Բալոտելիից (12), Ալեքսանդր Կերժակովից (11), Եվգենի Կոնոպլյանկայից (10) և Արյեն Ռոբենից (9): Այսպիսով՝ Ռոնալդուն Եվրոպայի ֆուտբոլի առաջնության ընթացքում ամենաշատ վրիպած ֆուտբոլիստն է։ Ռոնալդուն առաջատար է ճանաչվել նաև դարպասաձողին հասցրած հարվածների քանակով: Այս մասին տեղեկացնում է «soccer.ru» կայքը։

Միաժամանակ, պորտուգալացին «Եվրո–2012»–ում անցկացրած 480 րոպեների ընթացքում 15 անգամ  հարված է կատարել դեպի դարպասը, ինչը լավագույն արդյունքն է: Այս ցուցանիշով Ռոնալդուին հաջորդում են Մարիո Բալոտելին (14), Անդրես Ինյեստան (14), Կարիմ Բենզեման (12) և Անտոնիո Կասանոն (9):