Ֆրանսիայի նախագահ Ֆրանսուա Օլանդը ետ է կանգնում իր նախընտրական խոստումներից: Նման կարծիք է հայտնել քաղաքագետ Սերգեյ Շաքարյանցը այսօրվա ասուլիսին։

Բանախոսն Օլանդի վարքագիծը չի կապել հենց հայկական հարցի հետ։ Ըստ Շաքարյանցի՝ Ֆրանսիայի նախագահը նախընտրական շրջանն անցել է, և արդեն կարող է ձևացնել, թե խոստումները մոռացել է.

–Կարծում եմ` ճիշտ չէ Ֆրանսիայից ակնկալել որևէ օրենսդրական փոփոխություն: Մի քանի օր առաջ ասվեց, որ Ֆրանսիայի դաշնակից Գերմանիայում Մերկելը կտրականապես մերժեց օրենքի քրեականացումը, իսկ Բունդեսթագում հնչել էին ազդեցիկ ձայներ։