Դերասանուհի Նելլի Խերանյանն  այսօր լրագրողների հետ հանդիպման ժամանակ անդրադարձել է արվեստագետների նկատմամաբ հանրային անհանդուրժողականության հետ կապված խնդիրներին։

Խերանյանը կարծիք է հայտնել, որ արվեստագետների և առհասարակ մտավորականության դեմ քննադատությունների ալիքը, կարծես թե, ինչ–որ մեկի համար շահեկան է.

–Ես կարծում եմ, որ դա տենդենց է՝ հեղինակություններ չունենալը։ Անընդհատ ասում են, որ մտավորականություն չկա և այլն։  Գուցե ինչ–որ մարդկանց սա ձեռք է տալիս։

Դերասանուհին նշել է նաև, որ երբեմն արվեստի գործիչների նկատմամբ այնպիսի քննադատություններ են հնչում, կարծես անձնական խնդրի հարց լինի.

–Մեկ–մեկ լրագրողներն այնպես են մարդուն ուզում ստորացնել, այսպես ուղղակի ուզում են «թաղեն»։ Ինձ մոտ տպավորություն է ստեղծվում, որ ինչ–որ անձնական թշնամանք կա նույնիսկ։

7or.am