Հանրահայտ «Էմիրեյթս» ընկերության հետ համագործակցության մեկնարկից հետո Մադրիդի «Ռեալ»–ը պատրաստ է փոխել սեփական «Սանտյագո Բեռնաբեու» մարզադաշտի անվանումը: Այս մասին գրում է իսպանական մամուլը։

Ակումբները հաճախակի են սեփական մարզադաշտերը վերանվանում հօգուտ իրենց հովանավորների, սակայն «Սանտյագո Բեռնաբեու» մարզադաշտի անվանումը, որը կրում է «Ռեալ»–ի լեգենդար նախագահի անունը, տարիներ շարունակ եղել է անձեռնմխելի:

Հաղորդվում է, որ «Էմիրեյթս»–ը պատրաստ է «Ռեալ»-ին տարեկան վճարել լրացուցիչ 53 մլն եվրո, որպեսզի ակումբի մարզադաշտը վերանվանվի ու կոչվի «Ֆլայ Էմիրեյթս»: Իր հերթին «Ռեալ»-ն առաջարկում է մարզադաշտը վերանվանել «Ֆլայ Էմիրեյթս Բեռնաբեու»։