Այսօր կառավարության շենքի առջև մահացած զինվորների մայրերի հերթական բողոքի գործողության ժամանակ Կարճաղբյուրի զորամասում էլեկտրահարումից մահացած Տիգրան Օհանջանյանի մոր` տիկին Գոհարի ու ոստիկաններից մեկի միջև վեճ է առաջացել: Կնոջը չեն թողել նստել շենքի աստիճաններին ու հրելով հեռացրել են աստիճաններից։

Հիշեցնենք, որ յուրաքանչյուր հինգշաբթի (կառավարության նիստի օրերին) խաղաղ պայմաններում մահացած զինծառայողների մայրերն ու հարազատները հավաքվում են և բողոքի գործողություն կազմակերպում կառավարության շենքի առջև: Նրանք պահանջում են պատժել իրենց որդիների մահվան համար մեղավորներին:

7or.am