Ախալքալաքի շրջանային ընտրական հանձնաժողովի նախագահին ծեծի են ենթարկել նույն հանձնաժողովի անդամները։ Այս մասին, «Грузия Online»–ի փոխանցմամբ, տեղեկացնում է Վրաստանի կենտրոնական ընտրական հանձնաժողովը:

 ԿԸՀ-ի տվյալներով՝ սեպտեմբերի 3-ին նախագահ Հասմիկ Մարանգոզյանին ընտրական հանձնաժողովի շենքում ծեծել են հանձնաժողովի անդամներ Մեդեա Նեպարիձեն, Նինո Փխակաձեն և «Բիձինիա Իվանիշվիլի–Վրացական երազանք» դաշինքի ներկայացուցիչ Բեժան Գունավան:

 ԿԸՀ-ն քննադատել է միջադեպը և հանձնաժողովի բոլոր անդամներին փոխադարձ հարգանքի և զսպվածության կոչ արել: