Չինաստանում շարունակվում են հակաճապոնական բողոքի գործողությունները Սենկակու (չինարեն՝ Դյոյույդաո) վիճելի կղզիների շուրջ ծավալվող լարվածության մեծացման հետևանքով:  Այս մասին տեղեկացնում է «Ինտերֆաքս»-ը:

Շաբաթ-կիրակի օրերին Չինաստանի 85 քաղաքներում Սենկակու  կղզիների ճապոնական ազգայնացման դեմ հանդես եկող ցուցարարները գրոհել են Ճապոնիայի դիվանագիտական ներկայացուցչությունները, թալանել ճապոնական սուպերմարկետները:

Չինաստանում Ճապոնիայի դեսպան Ուիտիրո Նավան չինական իշխանություններին կոչ էր արել հնարավոր միջոցներ ձեռնարկել՝ Ճապոնիայի քաղաքացիների և ճապոնական ընկերությունների անվտանգությունն ապահովելու համար:

Նույն խնդրանքով Չինաստանին էր դիմել նաև Ճապոնիայի վարչապետ Յոսիհիկո Նոդան: