ՈՒԵՖԱ-ի նախագահ Միշել Պլատինին մտադիր է 2021թ. դեկտեմբերին մեկ ամսով ժամանակավորապես դադարեցնել ազգային առաջնությունները, որպեսզի 2022թ. Աշխարհի առաջնությունը տեղի ունենա ձմռանը: Այս մասին տեղեկացնում է «World Football»-ը:

Հիշեցնենք, որ «Մունդիալ–2022»–ը ընդունելու է արաբական թերակղզում տեղակայված երկրներից մեկը՝ Քաթարը:

57-ամյա Պլատինիի կարծիքով՝ այս քայլը միակ տարբերակն է, որով ֆուտբոլիստներն ու երկրպագուները կխուսափեն 50^օC ջերմությունից։

«Բայց հունվարը լավագույն տարբերակը չէ այդ ամենի համար՝ ձմեռային Օլիմպիական խաղերի հետ համընկնելու տեսանկյունից, այդ իսկ պատճառով նոյեմբեր-դեկտեմբերին Մունդիալն անցկացնելը լավագույն տարբերակ է»,–ավելացրել է Պլատինին։