Համաշխարհային լրատվական գործակալությունները շարունակում են հետևել Լիբիայում զարգացող իրադարձություններին, որտեղ օրեր առաջ ԱՄՆ դիվանագիտական առաքելության դեմ իրականացված հարձակման հետևանքով զոհվել է ԱՄՆ դեսպան Քրիստոֆեր Սթիվենսը ու ևս 3 ամերիկացի: Հիշեցնենք, որ պատճառը համացանցում հայտնված «Մուսուլմանների ամեղությունը» ֆիլմն էր` նկարահանված ոչմասնագետ ամերիկացի կինեմատոգրաֆիստների կողմից:

«GAY.ru» պորտալի փոխանցմամբ` Սթիվենսի անակնկալ ողբերգական մահվան առիթով առաջինն անհանգստություն են արտահայտել պահպանողականները: «Huffington Post»-ը ծաղրանքով գրում է, թե որ դեպքերում են արմատական քրիստոնեական ԶԼՄ-ները սկսում «անկեղծ անհանգստանալ ոչ ավանդական սեռական կողմնորոշում ունեցող մարդկանց համար».

 «Հավանաբար այն ժամանակ, երբ նրանք կարող են քննադատել մուսուլմաններին, Օբամայի վարչակազմին, Հիլարի Քլինթոնին և ամբողջ Դեմոկրատական կուսակցությանը»:

52 տարեկանում զոհված Սթիվենսն ունի եղբայր և քույր: Եղբայրը` Թոմասը, բնակվում է Սան-Ֆրանցիսկոյում, աշխատում է Արդարադատության նախարարությունում, քույրը` Աննան, բնակվում է Սիեթլում, աշխատում է որպես բժիշկ: «Ասոշիեյթեդ փրես»-ը Սթիվենսին բնութագրել է որպես համեստ ամուրի` հումորի հիանալի զգացումով, սիրում էր գարեջուր, սպորտ: Միաժամանակ մի շարք հրատարակություններ, հղում անելով անանուն դիվանագիտական աղբյուրի, հայտնում են, որ Սթիվենսը համասեռամոլ էր:

«HillBuzz» քրիստոնեական բլոգը, հղում անելով Սերբիայի ԱԳՆ աղբյուրին, գրում է, որ հիմարություն էր Լիբիա ուղարկել մեկին, որին բոլորը գիտեին որպես համասեռամոլի: Իսկ «Tayyar.org»-ն ընդհանրապես գրում է, թե մահվանից հետո Սթիվենսին զանգվածաբար բռնաբարել են: