Լրահոս

24.09.2012 14:03


Սյունիքում ակտիվացել են սողանքային երևույթներ

Սյունիքում ակտիվացել են սողանքային երևույթներ

Սեպտեմբերի 20-ին՝ ժամը 10։46-ին, ահազանգ է ստացվել, որ Սյունիքի մարզի Շահումյան գյուղի մոտ՝ «Դինո-գոլդ-մայնինգ քոմփանի» ՓԲԸ-ի հարակից տարածքում, ակտիվացել են սողանքա­յին երևույթներ:

Դեպքի վայր է մեկնել մարզային փրկարարական օպերատիվ խումբը:

Տեղում պարզվել է, որ սողանքն ընդգրկում է մոտ 2,5 հա տարածք: Սողանքային զանգվածի շարժման դեպքում հավանականություն կա, որ կվնասվեն բարձրավոլտ լարման (110 000 վոլտ) երկու էլեկտրական սյուն, մոտ 180 մ հեռավորության վրա գտնվող կոմբինատի վարչական շենքերը և մոտ 200 մ հեռավորության վրա գտնվող Գորիս-Կապան միջպետական ավտոճա­նա­­պարհը:

Դեպքի մասին տեղյակ են պահվել մարզպետարանի և քաղաքապետարանի աշխատակիցները:

Սեպտեմբերի 22-ին՝ ժամը 16։08-ին, ահազանգ է ստացվել, որ Սյունիքի մարզի Շահումյան գյուղի մոտ՝ «Դինո-գոլդ-մայնինգ քոմփանի» ՓԲԸ-ի հարակից տարածքում, կրկին ակտիվացել են սողանքա­յին երևույթներ:

Դեպքի վայր է մեկնել մարզային փրկարարական օպերատիվ խումբը:

Պարզվել է, որ ս/թ սեպտեմբերի 20-ին ակտիվացած սողանքային երևույթի հետևանքով հողա­զանգվածը տեղաշարժվել է 7-8 սմ: Անվտանգության նկատառումներից ելնելով՝ վտանգավոր տարած­քում տեղադրվել են զգուշացնող ցուցանակներ, և մուտքը տվյալ տարածք արգելվել է, դեպքի մասին տրվել է տեղեկատվություն տեղի հեռուստաալիքով:

Դեպքի մասին տեղյակ են պահվել քաղաքապետարանի և մարզպետարանի աշխատակիցները:

Այս խորագրի վերջին նյութերը