Վրացի հայտնի երգիչ Բակուր Բուրդուլին հրաժարվել է «Պատվո» շքանշանից, որով նրան տարիներ առաջ պարգևատրել էր Վրաստանի նախագահ Միխեիլ Սաակաշվիլին։ «ԻՏԱՌ ՏԱՍՍ»-ի փոխանցմամբ՝  Բուրդուլին հայտարարել է, թե չի կարող կրել այն իշխանության շքանշանը, «որի օրոք մարդկանց տանջում են բանտերում»:

«Ես չեմ  կարող անտարբեր լինել երկրում կատարվող դեպքերի հանդեպ։ Կալանավորների բռնության կադրերը ցնցել են ինձ: Շքանշանը վերադարձնելն իմ բողոքն է: Հուսով եմ, ընկերներս ու գործընկերները կհետևեն իմ օրինակին»,- «Ասավալ-Դասավալի» թերթին տված հարցազրույցում ասել է երգիչը: