Այսօր Վերաքննիչ քրեական դատարանը հետաձգեց ՀԱԿ ակտիվիստների դատական նիստը։ Պատճառը պաշտպանական կողմի ծանրաբեռնված լինելն է։ Հաջորդ դատական նիստը կկայանա հոկտեմբերի 11–ին։

Հիշեցնենք՝ հուլիսի 20–ին Կենտրոն և Նորք Մարաշ վարչական շրջանների ընդհանուր իրավասության դատարանի վճռով ՀԱԿ–ի ակտիվիստ Տիգրան Առաքելյանը դատապարտվել էր 6 տարվա ազատազրկման։ Մյուս ակտիվիստներից Արտակ Կարապետյանը դատապարտվել էր 3, Սարգիս Գևորգյանն ու Դավիթ Քիրամիջյանը՝ 2 տարվա ազատազրկման։